中三篇 (三) 有樣野，直到而家都諗唔明既，就係我Form既同學唔多鍾意我同 Form 5 既你一齊， 佢地硬係喜歡將我同坐我隔離個男仔拉埋一齊。你當時其實都知道架，講真…你有冇驚過呀？ 接觸多左自己Form既同學，開始聽到一d難聽既說話，佢地會討論我應該同邊個拍拖、唔應該同邊個拍拖， 我真係好想講：「我同邊個一齊，關你地x事呀！」群眾壓力既關係，係學校，我都盡量減少同你係埋一齊。 話就話唔理周圍既人講乜姐，但係每次聽到d難聽既說話，個心真係好唔舒服，好唔開心！ 唔理過…忍過…煩過…唔開心過…辛苦過…喊過… 群眾壓力令到我地再一次分手，從來都冇同你交待過分手既真正原因， 但你應該記得我講過：「唔係樣樣野都會有原因、有結果…」。 而家諗番，都唔知自己講乜！ 唯一可以俾我依賴既人，都俾我趕走左lu！我諗，我真係係時候長大喇！