中二篇 (四) 聖誕節，一個我最鍾意既節日。長髮姐姐唔知點解突然失蹤，傻奸奸既我跟住你地三個男仔出去玩。 o係一個黑漆漆既晚上，對住一個浪漫既海，依靠住一個火紅紅既燒烤爐，有微風、海浪聲與寒冬。 心諗：o係個咁浪漫既環境底下，如果有個男主角出現就好喇！ o下！唔係呀嘛，一諗就有？愛情小說既畫面終於出現左，但點解小說裡面冇提及過，個女主角會驚既呢？ 要形容當晚既心情一d都唔難，只有一個字 - 驚！o係未知咩叫做拍拖既時候，一切一切都未ready既時候， 就已經開始拍拖，所以最後…分手收場！ 分手後既我地，見面次數更頻密，玩得更顛，電話傾得更多，表現更為親蜜…總之， 分左手既我地更似拍緊拖既我地。呢段期間，我地成日上長髮姐姐屋企，相信大家都係謀住佢坐鋼琴！ 三人行既日子真係好開心，但唔知長髮姐姐去左外國留學之後，我地仲可唔可以keep住呢個關係呢？