中四篇 (三) 水運會當日，四社啦啦隊以一曲《我至叻》發揮團結精神，相信每一位同學對呢首歌都有著深刻既印象！ 亦因為呢首歌，令我地再有合作既機會，漸漸地，我地再次成為朋友。 呢個朋友關係，真係令我好質疑，我地真係可以做普通朋友嗎？假若我知道你已經唔再鍾意我， 我一定會好唔開心同埋唔忿氣；但假若我知道你仲對我有意思，我又好難視你為普通朋友。 總之我覺得，我同你，係唔可以做普通朋友既！ 1995年既生日，收到好多禮物，最特別同最意想不到既，一定係你送俾我o個份禮物。我以為你已經唔鍾意我、 冇放我在眼內、好嬲我、甚至對我完全唔在乎！拆開禮物 – 音樂盒、紙鶴、手鏈、 便條數張…好記得呢份禮物係番到屋企先拆，因為我預料到自己會唔識應對。拆完禮物，如我所料 – 呆左！ 細看之下，見到便條上寫著一個唔知咩國家既字，心知你正在賣關子，相信答案會係約會當晚揭曉。 眼前既一切，似乎都係我預計之內，但諗深一層，所有野又好似黎得好突然咁。唉~~！女孩子既感覺真係奇怪， 極難捉摸！