中五篇 (四) 會考前夕，有少少驚！離開自修室既一刻，hee…見到你！你帶左一隻我扭左你幾個月都唔肯買俾我既Hello貓黎接我， 同我講左一番鼓勵說話，除左開心、驚喜、溫暖…仲有感動！會考原來可以令人咁幸福，真係唔捨得個會考兩個禮拜就考完！ 會考既第一日，好驚好驚，本來要做Guide既你，知道我好緊張好驚，所以送完我去試場先趕番工！ 聽到朋友仔呻自己男友唔識做，唔明白會考係咩一回事，成個Study Leave都冇幫過咩忙，相對之下， 自己經常有男友陪伴左右，難免有點囂張！ 考試開始左兩三日，慢慢察覺到你做Guide既壞處 – 唔定時，朝早已經好難再偷懶去送我考試， 夜晚亦開始履行唔到鬧鐘既職責，平日亦唔會有時間幫我上Intensive Course…點解係我要衝刺既時候， 你偏偏要去番一份霸佔你咁多時間既工？ 我開始埋怨，開始開口向你埋怨；原來呢一刻既你，亦都開始覺煩擾！我恃住自己仲係會考期間， 再次使出以往既無理取鬧一招，去換取你少少既tum！ 但係…呢個無理取鬧…原來太過無理取鬧…平日係樓下嘈冤巴閉既車同細路唔再嘈冤巴閉…電視機、 Hi-Fi唔再有聲…BaBa、MaMi唔再講野…電話唔再響…好寧靜…好靜…好靜…