中五篇(Plus1) 剛剛中五畢業，新學年又再做過應屆會考生，真無奈！對住三十幾個唔識既同班同學， 寄人離下既感覺非常強烈！幸好我班有八個重讀生，仲有我既至好朋友，果然夠朋友呀！ 記得正式上堂既第一日，我同小欣決心每日lunch time都留係學校溫書，而呢個決心亦都實行左一日！ 今年既校園生活跟往年既更泛味，對所有活動都唔熱衷，除左幫House打下波、train下啦啦隊之外， 甚麼陸運會、班際旅行、Singing Contest都唔多願意參加！最大貢獻就係為學校參加左個校際中文習誦比賽， 參加既原因當然係冇得選擇啦，我地得到季軍，幾勁！不過得四隊參加之嘛！ 經過大半個暑假既說服，你終於選擇自修重考而放棄投生社會，雖然你想入o個科係d甚麼政治、 甚麼公共事務之類既科，但總算大學生嘛！你一直都想讀大學得閒攪下事、遊下行架啦！ 今年大家一齊重讀，反而多左好多共聚時間。唔知係經過維德廣場事件，大家學會珍惜呀？ 定係因為大家溫習時間多左，壓力冇咁大呢？點都好，新一學年許個願先…我希望你今年考到好成績， 入到想入既大學！