中四篇 (二) 真係冇諗過你會入番黎讀中六，曾經以為你未必有能力考入原校；曾經以為即使你有能力， 都會因為我倆之前既分開而有所影響。你再次係學校既出現，就證明左我全部既諗法都只係「自以為是」。 我今年讀既每一科，就正正係你以前讀既科目，唔記得係乜野情況底下，你將你大部份既課本俾左我。 你讀過既書果然唔同，幾乎每一頁都畫上公仔同埋寫滿字，更加估唔到，上堂不斷畫畫寫字既你都可以升番黎讀中六！ 對住一本咁精彩既書，我根本唔能夠專心上堂，所以如果我考試考得唔好，都係你d書累事！ 我地係學校冇乜共同既活動，我玩打波游水，你玩學生會辯論，要我選學生會呢，就硬係格格不入， 唯一相同既就係大家都會攪House活動，但今年，似乎唔會再四社一齊揀衫買衫lu！而家偶爾係學校踫到， 只會笑一笑走過，我地唔會停低傾計，實際上亦都唔知傾乜野好，我以為，我地既關係就只能夠維持咁樣。