中一篇 (四) 放學留係學校留到五六點，已經成為我既習慣！所以即使放學唔駛練波練水，Red Cross唔駛練操、 做Service，甚至乎冇人陪都好啦，我都會自己坐係Cover度做功課，有時撩人打下羽毛球、傾下計。 有一次放學，臨走經過Cover，”周靜怡，ByeBye啦！”原來係你呢個Form 3仔， 不過…點解佢會知我個名既呢？我一向對呢個Form 3仔都冇乜好感，因為，呢個人永遠霸佔住Cover一個唔小既位， 除非佢唔落Cover啦！圍住佢既妹妹仔隨住House活動既次數而增加，點解呢？點解連我班既同學仔都要圍住佢呢？ 但係點都好，我就偏偏唔會黐住呢個人！ Form 1既時候，習慣每日飲一至兩包檸檬茶，唔開心就飲得更甚，呢個習慣比Form 3仔發現左， 佢開始叫我做”檸檬茶”！記得有一日放學，好唔開心，唔記得為乜lu，一個人坐係Cover，飲住包檸檬茶， 係最唔開心既一刻…見到你！ o個日既你好唔同，冇左你平時既輕佻、唔正經，更奇怪既係，你身邊竟然冇女仔圍住！ 你同我就咁坐係Cover度傾計直至六點，學校閂門，被迫要走，因為想繼續傾，所以冒住俾媽咪鬧既險， 同你行左去雞記食野！之後，你截左部的士送我返屋企！ 就係呢日，我對Form 3既你完完全全咁改觀，亦係呢日，我開始期待自己下一次唔開心既來臨。