中五篇(Plus3) 你既A-Level話咁快就結束lu，聽你所講，你今年既成績應該比上年好，咁咪即係入到大學囉？ 好野！至於我既會考，平平淡淡過去，今年唔再有Hello貓，亦冇一番特別既勉勵說話， 我唔需要呢d野架喇，呢堆只係分手既前奏！ 我大個女架喇，唔再需要毛公仔，對住會考亦唔會怯，唔會亂發脾氣，我自己會自動自覺溫書， 聽到鬧鐘響會肯起身，唔會再亂扭計要傾電話，唔會係你番工既時候扭出街，我唔會再咁依賴， 我會獨立！ 經過幾個月黎既實習，自覺獨立左好多，已經戒掉晚晚傾電話既習慣，間中會同你屋企人到處遊玩， 你唔得閒既時候，總有你屋企人陪伴！呢段時間，我地偶爾會嗌下交，原因離不開我細路女、 刁蠻任性既性格、唔識係適當既時候做適當既野等等…聽慣了！ 唔開心既係，點解係我咁努力去改善而自覺有成績既時候，你仍然一次又一次咁話我太細路女呢？ 今年放榜，大家都有較理想既成績，你入城大，我入番筲官升中六！得知你入到大學，替你好開心， 你終於可以一嚐大學生活喇！