中五篇 (五) 身邊既一切，似乎都為我最後兩科考試製造一個合適既讀書氣氛。我相信你一兩日內會打電話俾我tum番我既， 我知道你一定會！能夠咁肯定咁講，因為一直最緊張我個會考、最怕我會放棄 既人係你， 我相信你唔會係呢個危急關頭放開我！ 屋企個電話認真醒目，自動幫我過濾你打黎既電話，星期六日都已經過去喇，電話呀，我唔駛你過濾喇， 可唔可以俾我接佢既電話？點解你咁多日都唔響？時間不斷向我証明，我既推斷只不過係一廂情願既諗法。 心，唔需要再牽掛任何人，再為任何人憂慮、操心…事實上，亦都失去資格！ 之後所發生既事實在太多，失而復得、得而復失、再得、再失、再離、再合… 維德廣場 – 一個好深刻既地方！當日既每一個細節，每一個表情，每一個動作，每一句說話， 雖事隔多年，但記憶猶新，感覺亦然！經歷過轟烈動人既一幕，當然雨過天清！呢一刻既我， 開始知道自己既位置，你既底線亦逐漸明確，亦明白到，還未有承受分手既本事， 千祈唔好道出「分手」 兩個字！ 當年大家既會考成績都唔理想，我真係有同筲官「再見」既機會，真無奈！