中三篇 (五) 好快就到你既會考喇，例牌交換記念冊，已經唔記得係邊個俾邊個寫先，但肯定既係， 一定係我寫完俾番你先！你應該記得啦！玩完”寫記念冊”d咁尷尬既野都仲唔夠，係你既Last Day， 我地仲影左張合照，嘩~~真係十萬個「唔想」，唔想既原因好簡單，因為我唔靚囉！ 下學期既考試，中西史、Geog、EPA…死讀爛讀都ok，Physics、Chemistry、Biology、Maths…唉~~冇眼睇！ 經過一段長時間既努力，加上有一位大哥哥既協助，終於全部合格。既然理科係事倍功半， 我就決定中四揀文科，仲要係純文科，即係要讀中國文學！諗都冇諗過，由中一讀中西史又唔掂又無興趣既我， 最後會揀文科。 中三既暑假係我咁大個女過得至平靜既暑假，每日唔係跟媽咪去街，就留係屋企傻下傻下。一個人冇野做， 好自然會諗好多野，好多以前既野！係喎，點解你唔再搵我既呢？定係你已經recover左喇？ 所有野都放低哂喇？ 講真，我估你都應該升唔番黎讀中六架喇！我地大概都唔會再見架啦！等我試下唔好再諗咁多先！