2000 2000年1月1日，生活回復正常！但仍然好嬲一個人… 會考將近，諗過你可能會致電慰問，睇下有冇野需要幫手！但最後，呢個電話從未響起過！ 你唔再care我既成績，係咪？不過算啦，你永遠都係一個我嬲既人… 3月底，筲箕灣，睇醫生途中…見到你，扮大方既我，笑了笑，點了點頭！之後才發覺， 自己身上著左一件以前常著既T恤，唉…你會以為我很念舊嗎？ 5月，無意間係電視見到你！係一個完全尷尬既情況底下見到你，想轉台，但控制o個個唔係我， 無奈到震！睇完你個訪問，感覺係–仍然係咁瘦！ 呀，好野喎，A-Level由開始至結束至放榜，你一個電話都冇打過黎， 聽聞你成日同大學同學講仲鍾意以前個女朋友架喎，而家唔係喇？ 升唔到大學，收到料嗎？有心涼嗎？你會認為我係缺乏你既幫忙而入唔到大學嗎？ 8月底，好勇、好衝動地報讀Sara Beattie College – 人生既一個轉捩點。 Suit、高跟鞋、化裝…外表咁professional既我，若係街上撞到，你認得我嗎？ Sara Beattie既日子，一個字形容–Harsh！做不完既presentation、遵守不到既unreasonable rules、 受不完既氣、測不完既test、接不完既實習、停不了既虛偽…我既唔開心，遠超越嬲你既一道氣， 你既影子，隨著我艱辛既每一日，漸漸離開我腦海裡！ 12月，剛講完你漸漸被我遺忘，聖誕…撞到應！撞到應係真係好應，但你完全見唔到我！當晚既我， 化左靚裝，身形亦纖瘦不少，最適合碰見舊情人！但為免大家尷尬，呢次係我唯一一次唔扮大方叫你既一次！ 2000年，見面從來唔分專登約見定係碰見，唔約見，都會碰見，係要見既，唔出街係屋企， 都要係電視俾你見，死未？