中二篇 (二) 買衫日到lu，終於我地成日都冇講過一句說話，少少尷尬都冇，因為根本都冇人知道我地曾經係認識既！ 原來都係自己過份擔心！ Swimming Gala既朝早，四個House既啦啦隊番學校作最後衝刺。係Cover迎面撞到應著住Scout Uniform既你， 「大個仔喇喎！著長褲喇喎！」，唔知乜野驅使我吐出呢一句說話，講完之後自己都覺得奇怪，所以都冇留意你點答我！ 估唔到一句咁無關痛癢既說話，令我地再次有傾有講，一隻CD令我地再次做番朋友、傾番電話，但我知道， 即使你對我再好，我都只不過係你認識既其中一個妹妹仔！ Swimming Gala既結束，減少左我同中四Committee姐姐既合作機會，我倆既感情亦日漸疏遠。 但我同高年級既哥哥姐姐好似有一種莫名其妙既緣份，繼Committee姐姐既寵愛後， 其後又得到另一位中四長髮姐姐愛戴。