中三篇 (一) 升上中三，呢一年要重新適應過我既校園生活，除左以前熟悉既大哥哥姐姐都走得八八九九之外， 連阿哥都話要過外國讀書。留學，好似已經變成一個潮流！ 阿哥臨走o個一刻，好認真咁同我講左一句說話：「俾心機d讀書啦，唔好成日掛住拍拖呀！」， 乜原來我係佢心目中，成鬼日掛住拍拖架咩？不過點都好，諗起以後係香港可以無拘無束咁生活，好開心！ 阿哥既走，令到屋企靜左好多、大左好多、整齊左好多…再冇人同我嗌交、爭電話、爭廁所、 爭電腦…大衣櫃一個、櫃筒四個、床及書檯各兩張都係我既，雖然有d唔習慣，但我相信慢慢就會適應架喇！ 今年，再冇大哥哥姐姐俾我依賴，唯一可以依賴既，就只有你！好記得你臨開學同我講過， 你話你今年要考會考，一定抽唔到咁多時間陪我！雖然你冇講明以後會出少幾多街，但係我一聽到， 就係唔開心！