中六篇(二) 接二連三既House活動與及連串既會議，已經occupy左我大半日既時間，簡直忙到透不過氣來！ 唔知係咪日間忙得太緊要，夜晚既ICQ吹水世界顯得特別輕鬆，結果上癮了！而家既我， 好似已經學會獨立、有自己既工作、有自己既朋友、建立番自己既生活圈子…突然發覺到 – 我長大了！ 最近從你既言語間，聽得出你很滿意現況，因為毫無壓力，自由自在，可以為所欲為。 你覺得我比以前成熟、獨立，開始會俾你私人空間、私人時間…對於呢個生活，你感到好舒服！ 你竟然覺得好舒服！ 唔知從邊一日起，我唔再對你既行蹤感興趣，亦唔再在意你對我既生活毫不關心， 五年既感情似乎開始轉淡，唔知你有冇呢個感覺…但我有！ 已經唔知幾耐冇見面既一晚，終於約好到你屋企食飯。