2002 (Part 1 完結篇)
2002年1月1日，新既一年，決心放低以前既一切，過新生活。
1月尾，電話響起，你婆婆入院？
一向能將你屋企人同你分得好開既我，你婆婆入院，絕對冇唔去探病既理由，放工得閒既日子，
我都有到醫院探婆婆–好鍚我好鍚我既婆婆！曾經答應過婆婆出院後，我會到屋企探佢！
婆婆亦好乖，好快出院。
我地再次見面，冇再存任何敵意，因為我每次都要由你透露婆婆既病情，係，我地表面好似朋友！
但全因你婆婆，明白嗎？
2月，情人節，唔係呀嘛！
農曆初五，克勤演唱會當晚，接到你二家姐既電話，約好第二日向你婆婆拜年。
翌日，見到你婆婆好開心，我都好開心！見到你既親戚同朋友，身份極其尷尬！
2-3月，我們見面過好多次，探婆婆嘛！最想知最想問都係o個個公開既秘密，有一次鼓起勇氣去問你，
有哂心理準備去聽你既答案，但你既答案，竟然唔係我心目中o個個既？一時間唔知點樣應對！
我一直嬲錯左一個人？
有一日，你話婆婆決定番大陸長住，食過最後一餐飯，以後都唔會再有去你屋企既原因，定係藉口？
番屋企落車既一刻，大家都知道，呢晚會係最後見面既一晚！
呢幾個月發生既一切，只好close file算了！
「有些人，有些事，要放手的，只好放手！」這個我們都知道…都明白…都無奈…只好將它留在記憶之中…
十年故事，就是如此！這就是結束，這就是開始。
* * * * * *
"這就是故事的結束，這就是故事的開始"