中四篇 (一) 中四文科班，全班分兩類人，一類係讀書好叻既文科生，另一類係讀書唔叻被迫編入黎呢班既普通學生， 而我有少少另類，我係一個讀書唔叻又唔肯讀書，但又擺文科班做第一志願既人，其實我對文學， 丁點兒興趣都冇！ 係中二篇提及過既中四姐姐，今年升番原校讀中六，當上House Captain，佢好自然地留左個Committee位俾我啦！ 好開心，今年又可以train啦啦隊！我決定唔再玩Swimming Gala lu，主要原因係預計到冇牌拎， 我要係最風光既時候唔玩。事實上，我從來都未風光過，唔玩係因為輸唔起o者！ 開學後兩星期，就要開始準備水運會事宜，我地依舊咁搵歌、填詞、揀衫、排舞、練習…練習期間， 通常每個House都會霸一層樓梯作練習場地，最麻煩既係，當上下層唔屬同一個House既小朋友有爭吵既時候， 而你又話唔聽其他House既小朋友既時候，好自然會佢地既負責人投訴， 最怕最怕我House既小朋友同Phoenix既小朋友嗌交，無奈地，呢個就係出現得最頻密既情況！