中五篇 (一) 今年考會考喇，感覺到自己好似已經係全校最大既一批，唔係因為自己係中五生，而係因為有一個中七既男朋友！ 呢個男朋友，係筲官咁多年，致力推廣公平、邏輯既概念；係學校內深受幾位老師既愛戴，可謂勢力大、後台勁！ 佢除左熱愛為同學們爭取呢樣爭取o個樣外，還時不時替女朋友討回公道！有一次，訓導主任捉住我， 因為校服唔合規格！首先恤衫有領鈕…跟住冷背心太淺色…之後裙短…冇戴皮帶…襪有logo… 對Dr. Martin唔知因乜唔得…男朋友得知此事，大怒，立刻走去跟搵訓導主任理論，記名既事實已經改變唔到， 但總算出番一口氣！ 中四o個年既測驗已經算頻密架啦，點知原來，中五既測驗可以比中四既黎得更密，以前幾日一個測驗， 而家就一日幾個測驗！有時擺到明溫唔到咁多科既時候，我就會放棄哂當日既所有測驗。假若有d科唔想測得太差， 就會放本精讀係檯底有技巧地參考參考！過住呢類死板既校園生活，真係覺得好乏味！