中二篇 (三) 自從認識左長髮姐姐之後，無時無刻都一齊，亦認識埋佢身邊既朋友，其中包括一個普通朋友、 一個契哥、同埋一個你！點解又有你份既呢？普通朋友係一個耐唔耐同我地出去食飯既人； 契哥係一個日日食完Lunch都會買糖比我食、耐唔耐同我傾電話、同埋成日叫我 "靚妹" 既人； 你係一個同其他人好多野講但同我就冇乜野講既人。 呢個冬天，o黎得特別既有意義。每日朝早，我習慣好強壯咁著得一件恤衫番學校， 行到最當風既Cover Playground，就會見到你，凍到半死既時候，你就會借你件校褸俾我著， 借下借下，就變左日日都著住你件校褸。每次問你，你都話你唔凍，但點解，唔凍又日日都著校褸番黎呢？ Christmas Ball快到喇，各男男女女都參加社交舞速成班，我亦都唔例外，每日放學會好自然咁係Cover等你， 跳左兩個禮拜既速成班，我地漸漸成為對方最有默契既partner，甚麼牛仔、cha cha、快三、慢三…都不知幾純熟！ 但其實，儘管我地既舞步再夾再有默契，始終都改變唔到我未夠稱去Ball呢個既事實！