2001 2001年1月,Sara Beattie既Community Program,巧合地派到耀東既社區中心做義工。 自分開以後,再冇上過耀東lu。做完service行番落黎,見到以前成日去既大家樂, 隔離依然係惠康,感覺–好熟悉!同學問我點解咁熟耀東d路,以無奈一笑回答! 沿著耀東既梯級走到筲箕灣大馬路,遠處望見到你住既大廈,嘩,已經兩年多冇經過呢度lu, 如果係呢一刻見到你,唔知我會以咩態度對你呢? 讀Sara Beattie既日子,都處於一個極適合碰見舊情人既狀態,每一日就好似準備會碰到你似的! 過左大半年,記得有一次我係小巴上見到街上既你!之後,都冇再碰見過lu! 8月,終於畢業,Sara Beattie既呢一年,係最充實既一年,好難相信自己可以係短短一年做左咁多野, 改變左咁多!雖然辛苦,但學左好多以前學唔到既野,絕對值得! 9月,投身社會工作。工作了第四日,911事件,轉工無望!但問題不大,皆因老細們極好,未有轉工念頭。 10月,電話響起,竟然係你?爽快應約。你當了保險經紀嗎?心感不妙! 分開後首次正式見面,一直都好想知你家人既狀況,以前粒聲唔出就走左,咁多年都冇問候一句, 總係覺得自己好衰女,今次有機會問及佢地既狀況,顯得特別投入,其他既通通都好有保留。 而你,咁多年都唔搵唔問唔關心,想一次過知哂呢幾年既事?冇可能! 飯後到你家探望你屋企人,再次踏入你屋企,感覺既熟悉,又陌生,但你屋企人仍然讓我好親切! 見到佢地平平安安,開開心心,好開心好開心!終於完成幾年前未完既任務! 但呢一刻,我其實仍然記得o個個公開既秘密! 突然間,你再次係我生命中出現,心裡總覺忐忑不安,你再次搵我,點解呢? 11月尾,趁你呢刻起唔再搵我,決心將你忘記。 聖誕,曾想起過上年碰見的一刻。