中三篇 (四) 分手以後，經常性同我同班好友一齊，有佢就好自然有埋佢男友，有佢男友亦好自然有鄰座男孩。 我地四個玩下玩下玩熟左，開始成日走埋一齊，食飯一齊、上堂一齊、放學一齊…相信當時學校既每一位老師學生， 包括你，都以為我地四個係由兩對情侶組成，係咪？ 呢次分手，的而且確令到我Form同學講少左好多野，但點都估唔到，換來既會係你d同學既奇怪眼光， 同埋一堆閒言閒語。曾經想過同你做番普通朋友，但我知，我再次搵你，只會令你d同學更加覺得我衰、更加憎我！ 既然咁多人覺得我係為左鄰座男孩而同你分手，咁多人都覺得我係衰人，都唔駛刻意去避忌d乜啦！反之， 我地四個日日都大搖大擺咁出雙入對，咁o岩我地四個都打波既，若其中一個要打House或者學界， 其餘三個都會係場邊支持支持，而家諗番，都幾開心既！ 呢個生活，維持左幾個月度。因為之後全班大調位，鄰座男孩已經唔再坐我隔離lu！亦因為咁， 我地四個一齊既機會就愈來愈少！