中六篇(三) 踏入你屋企，我將你屋企既每個角落、每件傢俬、每樣擺設、每張笑臉…都記哂入腦裡面！ 食完飯，你例牌送我到車站。 「不如行下？」我提議。你點頭。 我鼓起最大既勇氣講出主旨，之後加一堆supporting。一向不善談話既我，係呢一刻， 竟然每一句說話都表達得好清楚、好流俐。你講左一堆我係呢晚之前都會好想聽既說話， 但從呢一晚起，我唔再需要！可笑既係，係我唔需要你、唔緊張你既呢段時候，你竟然話俾我知你覺得好舒服！ 以前，我不斷努力令自己變成你心目中既女朋友，今晚我好自信咁同你講：「我做到喇！」， 當我做到你心目中既女朋友既時候，我原來唔再需要你！ 「我要我男朋友係其他人面前，每提起女朋友都會感到好自豪、好驕傲…而唔係一提起女朋友就嘆氣， 即刻諗起o個堆『細路女』、『刁蠻』、『任性』來形容…我唔要做我男朋友既絆腳石， 唔要做阻礙佢發展既一塊石，我要我男朋友係好proud of佢女朋友既！」 「你真係大個女喇！」 冇淚、冇汗、冇解釋、冇激動、冇挽留…就這樣，我們分開了！