嚴重聲明:以下文章是[Long Memory]所擁有,請不要私自轉載!!




1999



2月筲官開放日,無奈地我當時仲係校友會既聯絡人,俾你命令左我去做校友會塊board!
深知你擺明玩我啦,有咁多人唔叫,係要叫我?你後尾番左黎,染左個你以前死都唔肯染既啡色頭,
陀住部你以前死都唔肯用既Motorola BB call機,原來你番黎就係俾呢個look我睇!

5月既某一日,手提電話轉名日。當時既我狀態真係唔太好,成個人超勁肥,如果唔係要轉名,
我都唔會見你!諗番以前用你個名出電話,都冇諗過會有咁既一日既,原來…尷尬到震!

7月筲官Variety Show完滿結束之後,諗番自己為左個drama表演籌備左好耐,經歷左好多野先演出成功。
回復唔駛排戲既日子,我竟然覺得有少少空虛,做左咁多野,好想俾你知,我唔係你想像中咁冇用,
唔係除左拍拖就乜都唔會做既細路女!

暑假,我離開左香港大半個月,到過英國同大陸。去英國,係因為哥哥畢業,再見番哥哥,好開心呀!
你應該估到我有幾開心啦,你以前都話阿哥好鍚我架啦!番大陸係因為我參加左學校個交流團,
你一定又係冇諗過我會參加啦!你知嘛,我到過西安、鄭州、洛陽,雖然我去完之後都唔太記得邊度打邊度,
但如果你知我肯去呢d地方,你一定會讚我!去完呢兩個trip,真係想過話俾你知,
好想証明我根本唔係唔肯出去見識既我。當然,想還想,做還做!

9月升中七!真係估唔到我都升到中七,讀五科肥三科都升到!個個miss阿sir咁八掛,
我諗你都收到風我讀書唔掂架啦,係咪對我好失望呢?

有一日,我知道左左一個人人都知唯獨我唔知既秘密,呢一刻起,我好憎你!

我每一日都諗,點解曾經有過一個咁既事我會完全唔知情呢?愈諗愈憎…愈諗愈憎…好憎好憎…好想有報仇既一日!

除夕夜,酒吧,小醉…有過一個電話對話,你記得嘛?如果當時你唔係開緊會,呢個會係復仇既第一步!

整個99年,我做左好多野去証明自己唔係你所講既細路女,但到年尾,竟然俾我知道左一個公開既秘密,
真係好嬲,我相信你諗都冇諗過我會知道,係咪?



輕描集!! Long

中一篇 (一) (二) (三) (四) (五)
中二篇 (一) (二) (三) (四) (五)
中三篇 (一) (二) (三) (四) (五)
中四篇 (一) (二) (三) (四) (五)
中五篇 (一) (二) (三) (四) (五) (Plus1) (Plus2) (Plus3)
中六篇 (一) (二) (三)
1999 2000 2001 2002