中一篇 (三) 除左Lunch Time個個大哥哥姐姐都出哂街食飯，我會同我d中一同學仔打下羽毛球增進下感情之外， 其餘既時間我都寧願同佢地一齊玩，都已經唔記得左自己係個Form 1仔lu！由於得到咁多哥哥姐姐既寵愛， 結果被寵壞了，開始懂得去窒人，同Form既同學會覺得我串，我諗，係你地唔玩得咋嘛！ 記得有一次，中六姐姐帶埋我去學生會辦事處做野，再次見到個Form 3仔，我當日拿住一個黃色既File， 好記得好記得係黃色，一隻我好鍾意既黃色，呢個Form 3仔同我講：「下？學生會出左個咁肉酸既File都有人買？ 你仲竟然肯”瀝”番學tim？唔好話”瀝”係手呀，如果要我著一對黃色既襪有長褲蓋住有鞋遮住， 我死都唔會肯呀！」 你好野！你完全唔比時間我發表架喎！仲要彈得咁盡，你有冇諗過我既感受架？我突登儲17蚊去買個自己鍾意既File， 歡天喜地咁帶番學校威，點知你就係上堂鐘都未打既朝早咁樣打擊我？ 乞人憎！ 呢一日係我第一次帶我至愛既File番學，亦都係我最後一次帶佢番學。 乞人憎既Form 3仔：我當時唔識你，我先冇還擊咋！17蚊就咁浪費左喇，你開心啦?!