中五篇 (三) 你既A-Level比我既會考早，你成日都話要溫書，究竟幾時先可以出街呀？唔係…應該係幾時先可以幫我補習呀？ 咁考得唔好唔好話我呀，係鬧鐘累事咋！ 中五Last Day終於來臨lu，係台上唱住《告別校園時》既時候，不禁眼泛淚光！淚光既湧現唔係因為唔捨得， 而係眼見台下既人，一聽到放學鐘聲響起就即刻起立、轉身、走人！ o個一刻既我，真係好嬲， 點解可以有一d咁唔尊重別人既學生呢？我一邊嬲，一邊安慰住隔黎喊緊既同學仔！ Farewell Party完畢，例牌落Cover Playground玩水槍，替學校既每一角落留下痕跡！筲官，再見喇！ 成日記我名既老師同Head Girl，再見喇！我知你地睇死我入唔番黎讀中六架，好，我就去第二間學校讀！ 放Study Leave喇，好野，又可以出多d街lu！呀…唔係…應該係溫多d書至係！杏花村自修室成為左我既熱門蒲點， 你間中會黎探下班，陪我食下野，繼續擔任鬧鐘一職！其實，會考都唔係其他人所講到咁大壓力o者！ 我係呢大半年都唔知幾開心，要乜有乜，想點就點！俾我考多幾次都抵呀！