中二篇 (一) 中二開學日，好開心。因為成為左House同埋Red Cross既Committee，恨左好耐架啦！ 聽到有人話我係因為阿哥先做到咁多post，我唔嬲喎，你地有本事都可以搵個阿哥撐你架！ 自從升左上中二，我都好少再同以前既中六姐姐聯絡lu，況且佢都升上中七要考A-Level喇！至於其他大哥哥， 最鍚我o個d都好唔爭氣咁入唔番黎讀中六，自己既哥哥雖然仲係學校，不過佢都唔鍚我既， 佢最唔鍾意認我做阿妹架啦！我先至唔駛佢理我呀！ 雖然冇左中一陪我既一班大哥哥姐姐，但好幸運，認識到一個中四既House Committee，我地既性格有幾分相似架！ 第一似 – 大家都係串底、爛玩、顛喪既人；第二似 – 大家都鍾意打籃球；第三似 – 我同佢對House都好有抱負， 誓要第日做到House Cap. 再要成為全年總冠！勁呢！ 開學頭一個月，為Swimming Gala忙個不停，要練水之餘又要幫啦啦隊搵歌、填詞、編舞、作口號、 設計服裝同埋買衫。買衫…諗極都諗唔明，點解買衫要四個House既負責人一齊去呢？點解四個House要做到咁團結呢？ 點解你又係啦啦隊既負責人既？點解…再次俾機會我見番你？死啦…仲應承左星期六一齊出去買啦啦隊衫tim架， 唔知…你變成點呢？