中五篇(Plus2) 我同小欣既雄心壯志隨著時間過去而減弱,成班講笑話又唔識笑,明寸暗寸又聽唔出, 呢種寄人離下既生活認真幸苦!好想呢幾個月過得快d,快d考完會考離開呢個陌生既地方! 感情生活方面,似乎漸漸穩定,由於你平日多左時間溫習,每個假日你都會陪我去玩,到處遊山玩水, 再遠既地方都唔會難到我地,仲影左好多好多相!呢段時間,都幾開心既! 不過,再穩定既感情,都有拗撬既時候!由於曾經上過一課,明白到點嬲點激氣都好, 都唔可以拎「分手」黎講,非常清楚自己玩唔起!每次嗌交,嗌到某一個階段, 你都會嘆一口氣:「你又係咁!」你知唔知,個「又」字同個「咁」字好難聽, 例牌回應:「你都係咁啦!」你就會話我唔講邏輯、唔講道理,聽完一堆你既邏輯同道理之後,就會冇事! 講真,我都唔敢將場交嗌咁耐啦! 有時候,我覺得經過維德事件之後,我倆既感情好左好多;但每次嗌交既時候,以為上次已經解決左既問題, 唔知點解,都繼續成為今次嗌交既原因,甚至係下次嗌交既原因!點解會咁既呢?