中四篇 (五) 中四既我，上堂係唔駛聽書既，有精神就寫信，眼訓就訓覺，唔知點解以前既中學生係好喜歡寫信既呢！ 讀書從來唔覺有壓力，測驗就當食生菜，唔係因為我早有準備，只係從來唔怕唔合格，尤其係文學！ 每次Mid-term Test同Exam，你都一定會同我補習，即使你有你既科目要預備，你都會顧及我先， 因為你知道如果你唔幫我，我只會以0知識去考！ 我係一個夜晚先肯讀書既人，習慣係食完晚飯即刻訓覺，十一點幾就起身讀書。但係，要叫醒一個熟睡中既我， 實在有點難度，應該話難頂！熟睡中既懶蟲接到第一個電話時，首先會好有文有路咁回答所有問題，然後收線， 繼續做佢既野。第二個電話，懶蟲會抱怨人肉鬧鐘咁遲先至響。第三個電話，懶蟲會發脾氣、 講晦氣說話、扭傾電話、蠻不講理…！不過好開心架，鬧鐘每次都拗唔贏我！ 終於考完一大輪試，期待已久既暑假終於來臨喇！今年暑假，我地一邊要擔心下年既會考同A-Level， 一邊忙著吃喝玩樂，所以呢，會考生要應付幾多野呀！真大壓力！