中四篇 (四) 生日約會當日既情形，已經忘記得七七八八lu！有少少印象係同保齡餐廳有關，一個我地既熱門放學蒲點。 至於其他細節，真係有點模糊！不過好快，呢d細節已經唔再重要，因為一隻CD，令我地再次走番黎一齊！ 記得我曾經同自己講過，要好好珍惜呢段得來不易既感情，發少d脾氣，爭取多d共聚時刻， 唔再理旁人講乜，總之做自己想做既野！ 我倆走在一起既日子，我少左同自己既同學一齊，其實可以說成「冇」，除左上PE堂會同自己Form既同學傾下計外， 放假根本唔會同朋友出街，以前既同班好友曾經係信中話我「重色輕友」，對唔住，我係！ 每一日，我地既平均見面時間佔大概四成。每朝早上，我都會坐係你課室共享早餐， 失驚無神或會到一個你我都唔就腳既地方食早餐；中午，會到外面走走食食飯，如果是但一個要test就嘆大家樂飯盒； 放學例牌！ 當時學校既每一位老師同學都知道我地既關係，所以其中一方唔舒服或發生左咩事， 老師同學們都會以第一時間知會另一方。當時既你我，擔當著對方既「監護人」及「經理人」既角色！