中三篇 (二) 開學編位，巧合地編到一個我較為熟悉既女仔坐前面，好快佢成為左我既好朋友；更巧合既係， 竟然編到佢男友坐係佢隔離！咁又唔係十分羡慕，因為我唔太鍾意同男朋友一齊上堂既！坐我隔離既， 係一個好似曾經傳出過緋聞既男仔，尷尬？冇喎，因為佢仲怕醜過我。 九月至十月期間，一如以往咁train我既啦啦隊，開始有小弟弟小妹妹叫我做”靜怡姐姐”， 突然發覺：係喎，我原來已經大個女喇喎，已經係人地既姐姐黎架喇！我諗，我應該學習獨立一d， 唔好再咁依賴大哥哥姐姐。 既然連你都話抽唔到時間陪我咯，我就自己搵多d野做，同朋友仔出多d街。你唔陪我，我都唔會悶死既！ 亦因為呢個原因，我刻意編排個啦啦隊training時間密到唔密，每日Lunch Time都要練， 所以我同你係呢個學年頭都冇乜出去食lunch，你要知，我都好忙架！