中一篇 (一) 剛踏入學校既第一步，覺得好威，因為我係由一個中四既大哥哥陪我番去既，一齊步入學校， 呢個大哥哥仲幫我搵班房號碼，送埋我入課室，記得佢講左一句”有事就去4E搵我啦！”嘩， 大半班唔識既同學仔都望過黎，羡慕呢！ 因為呢個中四哥哥，就係我係學校最熟悉既人，所以每逢Recess或Lunch Time佢都會問下我做過d乜， 適唔適應，開唔開心。其他人開始傳我地兩個拍緊拖，話我地放學一前一後返屋企，傻既， 佢係我阿哥黎架嘛，一齊返學、一齊放學、一齊食飯、住埋一齊仲要訓同一間房tim呀，有乜奇喎！ 亦因為阿哥既關係，我好快已經認識到好多高Form既哥哥姐姐，Form 4至Form 6既都有， 個個都好鍚我，仲要圍住我既大哥哥姐姐，全部都係靚仔靚女！隨著我認識既其他哥哥姐姐愈來愈多， 阿哥就愈來愈唔理我lu！不過唔緊要，我仲有咁多哥哥姐姐！同學仔們，你地恨唔到咁多架喇！