中一篇 (五) 我既唔開心冇因為我既期待而來得特別快，雖然我地間中會傾下電話，但係冇唔開心就硬係覺得好難將我地既話題拉近。 期間，Simpson個心口針同埋你係Open Day借俾我張成績表，都製造左機會俾我地，但當時既我地，跟本就唔知機會係d乜， 錯過以後，亦未覺可惜。呢個奇怪既關係唔係維持左好耐，因為好快，我地由相識再次變番陌生。 間中Recess都會係Cover見到你，但係呢個你又返回輕佻浮躁、唔正經、成日tum女仔既你，俾一大班小妹妹圍住既你。 而我，亦照樣過我既「高年級」生活，繼續俾我d哥哥姐姐鍚！漸漸地，我地偶爾碰到，都冇再打招呼lu！ 中一下學期，我開始睇愛情小說，睇下睇下，真係好想試下拍拖既滋味！有時搭車經過一d好靚既公園， 好希望會有一個男主角同我一齊坐係裡面傾計，但係男主角呢家野，唔係話要就有。 同Form同學可能會覺得我同咁多大哥哥玩到咁熟，攬頭攬頸，間中仲會送我返屋企，以為我地已經拍緊拖。 但其實，同得我返屋企既大哥哥，都係阿哥既朋友，自小四識到而家，佢地經常係我屋企訓， 佢地係間中um我訓覺幫我蓋被再送埋goodnight kiss俾我o個種大哥哥。硬係覺得鍾意佢地，好有亂倫既感覺！ 所以中一既我，對愛情就只抱住「好奇」同埋「恨」既態度；而事實上，我都係鍾意打波、游水、做Service、步操多d。