中五篇 (二) 校園生活既乏味，同學們不論乖乖讀書型或陪太子讀書型，都開始暗戀明戀班中既同學， 眼見佢地鍾意人又唔認、拍緊拖又偷偷摸摸，真幼稚！幸好身邊好友們都係早已拍拖之人， 總算有人陪我一齊談論班裡既幼稚同學，一齊自以為自己經驗豐富，與別不同！ 日日測驗同食大家樂飯盒既日子，好痛苦！所以間中我同兩位好友，會分工合作做一餐特別既午餐： 吞拿魚三文治、咖哩魚旦同埋蛋沙律！對其他人黎講可能好平凡，但我相信呢個都係我地三個值得回味既片段！ 有時候我會諗，我都要兼顧自己既朋友、學業、屋企人，其實無必要日日黐住你。但可能一切都已成習慣， 明明有見面既機會都唔見？唔係掛！不過駛乜諗咁多呀，你都冇所謂既！ 正在讀緊中七既你，成日都唔番學，一係就淨係番上晝，一係就淨係番下晝，點解唔可以做個似樣d既學生呢？ 唔番足全日，點陪女朋友番學食飯放學喎？同你爭拗過無數次，當然我唔係用呢個point啦！ 不過點講都唔會有用，你唔番學既原因實在太有力喇，就要留係屋企讀書！好…好…好…試問一個咁好既答案， 又點可以再challenge佢呢？