第十九篇-句號 食完飯之後, 例牌送佢落去撘車. "亞LONG, 不如行下?" 今次同平時好唔同, 心已知不妙, 但唔通話唔好? 去番平時去開既公園, 好想O係佢仲未開聲之前, 盡能力去補救, 但係腦入面真係一片空白, 唔知道自己仲可以再做D乜野, "無能為力"已經係我能力範圍以內既極限. 好平靜, 好似好自然咁, O個一刻, 我竟然問自己, 究竟會唔會反而係一件好事. 整個過程, 冇阻滯, 冇枝節, 冇NG, 大家, 最起碼佢, 已經意識到係時候寫上個句號. 一切一切, 亦似乎冇可能繼續落去. 感覺就好似, 係月台見到一班離開緊既列車一樣, 好唔拾得, 但係, 亦都冇可能拉住佢唔放. 正如"摘星"所講, "失去, 也是一種篤定..." 每一篇文章都一定會有完結既一日, 每一段感情, 亦都會有大結局. 不嬲都鍾意睇一D悲劇收場既戲, 可能就係咁樣, 先至會刻骨銘心, 永遠難忘.