第一篇 認識 1992年, 其實都唔可以話係認識佢, 我諗, 只可以話係, 知道有個咁既人. O個陣, 我同佢都只係一個小朋友, 係真係好小既小朋友, 但有時, 小朋友, 都可以有佢自己既審美眼光, 起碼我夠膽講 - 我有! 唔理你應唔應同都好, 雖然靜怡只係FORM 1, 但係我已經覺得佢係靚, 只但係咁, 唔準問點解, 都話小朋友囉, 點識喎. 佢係打籃球既, 每日放左學, 都會O係學校打到五六點, 雖然, 我就唔係打波既, 但係就經常會因為要留O係學校做野, 而留到好夜,就係咁, 每日既放學, 都會"點下頭, 問候一下". 直至有一次, 當我正係離開緊學校既時候, 我見到佢一個人企O係COVER PLAYGROUND既中間, O係經過佢身邊既時候, 同佢講左一聲: "周靜怡, 我走啦, BYE BYE!" 佢好愕然, 當我行開左大概五秒度, 佢追上黎, 問左我一聲: "點解你知我個名架?" 我就話: "係人都知啦,BYE BYE"