第五篇 試戀 O個日係1993年既12月25日, 係一個好凍既聖誕節, 地點係赤柱正灘, 活動係燒野食, 人數係五個人, 包括我同佢, 另外O個三個, 係邊個都冇乜所謂啦. 其實之前, 我都好清楚咁俾佢知道我係鍾意佢, 但係一路都冇做過D咩野實際既行動, 直至呢一日, 我同佢兩個人行開左, O係沙灘度行, 可能係太凍啦, 又可能係太黑, 兩個人愈行就愈埋, 直至沙灘上面既兩個影重疊埋一齊. 都唔記得左當時既對白, 只係記得第一次捉住佢隻手既感覺. 倆小無猜係真係好難得 - 好驚, 但係又好興奮, O係我攬住佢既時候, 我好清楚記得沙灘上面個鐘, 顯示當時既氣搵係攝氏13度. 但係, 我一D都唔凍, 因為我知道如果我凍既話, 我拖住既佢會更凍, 何況我地大家身邊都有一個37度既暖爐. 之後既成晚, 隨左必要既時候之外, 我地既一雙手, 冇分開過. 呢個就係我地既開始, 不過呢個"開始", 就只係唯持左一日...