第十五篇-復仇 每個人都一定會感覺到身邊既人係點對自己, 尤其係當佢對自己差既時候. 靜怡亦都唔會例外, 我對佢一日一日既差, 佢亦都當然感覺到. 我唔可以講我係因為唔愛佢, 可能只係因為任何野都太過既穩定, 我根本都唔覺得自己會失去佢, 一切都變得大安旨意, 唔好好遷就佢, 連關心佢, 諗佢既感受亦都冇做. 一大堆既理由, 一大堆既藉口, 總會O係適當既時候出現, 呢D理由, 藉口係要黎支持我自己所做既野, 令我覺得自己冇錯. 呢個時候, 嗌交多左, 每次, 我總會O係唔諗既情況之下就覺得佢O係度發緊大弓姐脾氣, 當然, 佢亦唔會夠我拗, 我總係有好多既理據去同佢爭論. 佢開始哀求, 我記得佢間唔中會講, "我知道我以前無啦啦同你分手係我唔O岩, 但我希望你唔好報仇, 好唔好?" ...雖然我真係唔係咁諗. 但我對佢既態度不但冇改善, 反之, 更變本加厲.