第十一篇 再生 鼓起勇氣, 再一次既約會, 地點係筲箕灣既保齡餐廳, 唔記得左討論過D咩話題LU, 只係記得去之後用左一個好牽強既藉口, 叫左佢上我屋企. 上到我屋企, 佢企左O係窗邊, 望住窗外面, 冇任何既聲音, 冇任何既動作, O個一刻, 窗外面既風吹入黎, 經過佢塊面, 將佢頭髮上面洗頭水既氣味, 帶到去企O係佢身後面既我既鼻上面. O個一種氣味就唔係好記得啦, 但係O個一刻既感覺, 就仲仍然記得. 過左大概十分鐘度, 我同佢, 行左去沙發度坐, 諗起都仍然會笑. 我地愈坐就愈埋, 趁佢咪埋雙眼既時候, 我靜靜咁將我既左手跨過佢條頸, 輕輕咁放O係佢左邊既膞頭上面. 四圍都好靜, 靜到聽到佢既心跳聲(不過其實都唔知道係咪我自己既?), 好和諧... 佢仍然冇睜開對眼, 頭, 輕輕靠過黎...就係咁, 我地再次開始行我地既愛情路.