第六篇 徬徨 可能真係太細個啦, 無論係我, 定係佢. 佢話我知, 其實聖誕節O個晚, 佢俾隻手我拖住既原因, 只係因為佢唔識得點樣拒絕我, 亦都唔知有咩理由去拒絕我. 由頭到尾, 佢從冇諗過自己咁快就會拍拖, 更何況, 佢都仲未清楚咩叫拍拖. 佢當時既感覺只係得徬徨同煩腦, 而一日之後, 我比佢更加徬徨, 更加煩腦, 因為我咁唔領會唔到我O係佢心目中所佔既, 究竟係一個咩位置. 又好奇怪, 經過左呢個一日既愛情故事之後, 我地兩個之間並冇出現任何既尷尬, 反之, 我地兩個既感情更加慢慢既發展落去, 經常既出街, 晚晚既電話粥, 好似已經成為左係必然既習慣, 可能係經過過一次失敗既原因, O係呢幾個月入面, 眼見到好多次可以再次表白既機會, 都唔敢亂黎, 怕既係, 另一次既, "一日".