第十二篇 甜蜜 今次, 同以往好唔同, 大家都懂得去關心對方, 而我地既關係, 亦好快就O係家人, 同學同老師之間曝光. 所有既屋企人都好錫佢, 當正佢O係屋企既一份子, 家中大小事, 都總會預佢既一份. 至於學校方面, 更加係講都唔信既一D壓力都冇. 當時, 我諗大家係咁諗, 一個叻既人同一個靚既人一齊, 好理所當然. 我地O係學校唔會避忌D乜野, 小息, LUNCH 既時候, 我會去佢既課室, 佢會黎我既課室, 直至老師入黎先走. 記得有一次, 夠鐘上堂, MISS入到黎, 同佢講笑: "喂, 周靜怡, 夠鐘上堂啦, 仲唔捨得走?" 我地會一齊教啦啦隊, 會一齊跳舞, 會一齊返學放學, 放學佢會上我屋企, 考試測驗我會幫佢補習, 放假, 會一齊同我屋企去街. 間中, 我亦會帶佢去一D好少去既地方. 好天真, 大家根本就已經認定左對方就係將來既另一半.