第七篇 開始 有時命運, 緣份既野, 好似早有安排咁. 眼睇住D機會一個一個咁黎, 又一個一個咁白白浪費. 之但係, 如果個天係要俾你地O係埋一齊既話, 就會再次既不斷俾多D機會你, 直至到份感情過左保存期. O個日係1994年5月24日, 地點係柴灣公園, 時間係黃昏六點左右, 人物係我同佢. 唔記得左我地倆個點解會O係O個度出現, 亦唔記得O個日既開場白. 冇乜野好浪漫既事, 冇送花, 冇朱古力, 冇愛的宣言, 冇山盟海誓, 冇跑車, 冇錢, 冇幸運星...冇任何既準備; 有既, 只係勇氣, 真誠, 同"我愛你". 對好多人黎講, 呢個係一個過份平淡既開始, 冇乜野可以回昧, 但係對於我黎講, O個一日既片斷從來都冇離開過我腦入面最深既深處.