第九篇 分手 人地話, 初戀係唔會有結果既, 尤其係, 當時大家都仲係咁細個, 佢同我講, 雖然覺得我對佢好好, 但係佢真係攪唔清楚究竟係咪愛我; 佢唔知道點解要同我拍拖, 亦都唔知道點解要同我分手. 不過, 可能係初戀既關係, 又可能係初中生既關係, 大家都覺得分手係一件理所當然既事, 咁當然, 分手之後就梗係唔開心, 做既野, 咪就係成日去公園海邊扮憂鬱, 同朋友仔呻下咁, 我諗, 你地都會明, 其實, 所做既野, 咪就係好16歲既16歲囉. 分手之後, 咁O岩我要考會考, 所以都冇乜機會見到面, 亦都做唔番朋友. 呢幾個月裏面, 發生既野包括, 考左一個會考, 同返左一份暑期工. 好好彩, 我既成績令到我可以返番自己學校讀F.6, 並且, 再次見番佢.