第十六篇-新鮮 由於死好命, 估唔到我D咁既懶人都可以入到U. 當時既我, 懷著無限既抱負入大學, 希望可以做到一D我一直都好想做既野. 亦好好彩, 入到U之後冇耐, 就認識到一班好傾得埋, 好玩得埋既朋友, 正經既時候, 會談論國是, 唔正經既時候, 又可以唱歌飲酒, 四圍既事物對於我黎講, 都係非常之新鮮同好玩, 咁樣, 呢個O係我心入面打風都打唔甩既女朋友, 自不然首當其衝成為犧牲品. 我地見面既時間, 愈黎愈少, 再由少變成冇乜. 其實我都幾服我自己, 點解可以覺悟性咁差, 我不但只冇危機感, 反之, 每當朋友問起我關於女朋友既事, 我都會答: "佢好鍚我, 佢好識得體諒我, 佢冇要求我陪佢, 但係, 佢一定係我第二時既老婆!" 就係咁樣既一廂情願既諗法, 令我自己根本察覺唔到, 身邊既佢, 已經漸漸既長大, 漸漸既唔需要我, 漸漸既變...