第十三篇 共苦 一對情侶, 就一定要同經歷過一D艱辛, 先可以肯定到呢段感情既. 第一, 係窮. 中學生嘛, 又唔係乜野富家子弟, 又要返學, 又要食飯, 又要去街, 又要拍拖, 又要送禮物, 邊有咁多錢呀? 所以我地兩個好珍惜, 每一分每一毫. 除左食飯唔會食得貴, 盡量少出街之外, 甚或乎情人節呀, 生日咁, 為左唔好徒錢, 我地會預先講好要D咩禮物, 冇既啦, 係真係冇哂驚喜, 但係, 我地就更加珍惜. 第二, 係校友會, O個陣時既校友會, 冇人冇錢. 而佢, 隨左落手落腳幫我做野之外, 更加叫我要忍耐, 要支持落去. 第三, 係一九九七至九八年既呢兩年. 九七年既七月, 我地一齊衰左, 我考A-LEVEL衰左, 要自修; 佢就考CERT-LEVEL衰左, 要REPEAT. (拍拖唔會影嚮讀書就假既!) 但係O個一年, 互相鼓勵, 互相支持, 佢每日都會俾D讀書既動力我. 亦由於O個年我唔駛返學, 多左好多時間, 我地去過好多好多既地方玩. ,玩完就會讀書, 有時(不過唔係好多), 我會返學校接佢放學, 記得O個時, 每次返親去接佢,就實會聽到D MISS 亞SIR 講: "接靜怡呀? 你地兩個都要俾心機呀!" 我敢講, 冇佢既話, 可能, 我冇機會讀大學. 呢個時期, 我同佢既關係, 感情都可以叫做係成熟期, "交"就梗係有嗌啦, 但係我自己就已經認為同快定左, 佢就係我第二時既--老婆.