第二篇 約會 就係咁, 每次撞見, 打招呼. 可能由佢亞哥既關係, 佢本身O係學校入面都認識到好多大哥哥大姐姐, 我呢個對於O個時既佢黎講, 只係佢認識既其中一個普通既大哥哥.其實, 對於我黎講, 佢亦都係一樣, 只係我認識既其中個小妹妹, 根本就從冇諗過同佢會有D乜野進一步既關係. 好似平時咁, 有一日放學, 我諗住走既時候, 見到佢一個人坐O係COVER PLAYGROUND, 當時我好肚餓, 咪問下佢去唔去食野囉, 佢話好, 之後我地就一齊行落柴灣家鄉雞, 而呢次, 亦都係我地既第一次約會. O係O個次之後, 我地就開始多左話題, 見到面都唔再只限於打個招呼, 點一點頭. 呢段時間入面, 我地O係小息既時候, LUNCH既時候, 放學既時候, 我地好多時候都會見面, 亦都食過一兩次家鄉雞, 麥當奴, 其實都已經唔記得左係咁O岩撞到呀, 定係特登既約埋, 總之, 我地愈黎愈多見到對方.