第十篇 紙鶴 我從來係一個唔細心既人, 所有既細微細眼, 需要耐性, 高度集中既工作, 我都係做唔黎. 自己都唔知點解, 我會咁做, 我自己亦都唔相信自己做到. 我諗對於好多人黎講, 呢件並非乜野艱辛工作, 總之, 你地唔會想像得到, 我係須要幾多個夜晚, 幾個心機, 先做到呢樣咁平凡既野. 係1995年佢既生日, 一心只係諗住做一D野去挽救呢段已經逝去左大半年既感情, 做D乜呢? 為左表示我既誠意, 找揀左我自己亦都係佢明知道我最弱既一項: 買左一個音樂盒(為左減低難度, 特登買個細D既), 摺左幾十隻紙鶴, 每隻係用九份之一張或者係十六份之一張既手工紙去摺, 直至裝滿整個音樂盒...又真係幾老土.