見工趣事 龍威：【請問呢裡係唔係請人呀﹗】 男子：【係呀﹗你識做乜野呀﹗】 龍威：【我識打字﹗簿記﹗收發.......總之辦公室既事務樣樣都識啦﹗】 男子：【哦﹗我地請茶水喎﹗你有無睇清份報紙架﹗】 龍威：【茶水﹖份報紙無講話要識呢尐野喎，咁咪即係請Office Boy﹖】 男子：【老友，你一定無睇政府宣傳廣告啦，而家個個都話個人增值架啦﹗】 男子續說：【我地果個停職既大嬸、十項全能，如果唔係佢要放產假，搵人替佢，休想請人啦﹗】 見工趣事(未想到，Hold住先) 經過無數次的撞壁、碰柱，龍威三人組最後走到這裡，『包李森方』事務所見工。 達明：【『包李森方』，係呢裡度囉........嘩，乜傢伙呀﹗】只見水牌上貼著『包你心慌』事務所。 燦琛：【喂﹗不如走啦﹗你睇呢度似謀人寺多尐喎﹗】 龍威：【走﹗﹖見過咁多份工，都無行，而家行到這裡，見一下都無防。】 龍威續說：【而且我地以前係警察呢嘛﹗駛乜驚呀﹗】 達明：【話時話，事務所係咩黎架﹖會唔會似尐明星公司﹗搵人笨......】 還未說完，一隻手叩在達明頭上說：【乜野搵人笨﹗】男子一面說，一面將貼在水牌上的招紙撕走。 男子：【而家尐人真無聊，乜都貼一餐，阻住啊叔搵食﹗】 龍威三人組驚訝的望著這男子(黃秋生)，身穿短打套裝，白汗衫、白短褲、踢拖，手拿著飯壼和油炸鬼，夾著份報紙，活像一個大叔(真係大叔，老花腩)。 秋生：【你地係唔係黎見工架﹖】 龍威三人組齊聲說：【你點知架﹖】 秋生：【盲都知啦﹗著到去飲咁款，傻都知啦﹗】 秋生開著門，門開後室內塵土飛揚。 秋生：【入來啦﹗自己係盒度拿Form填，搞掂放係另一個盒度，等嗌名﹗】 龍威：【嘩，乜間屋咁多塵架﹗】 秋生：【你理得佢多塵呀﹗唔好阻住阿叔食粥﹗】 龍威三人組私私細語、良久，秋生探頭出來：【喂﹗你地拎埋張Form入來，面試﹗】 三人魚灌而入，斗室內是另一房間，秋生坐著辦公桌後：【你地做過警察﹖】 龍威：【我地係儆惡懲奸、嫉惡如仇既男子漢.......】(一路講一路唱『大丈夫』) 秋生：【得啦﹗得啦﹗$6500，包伙食，無薪年假，病假無人工，自備醫療保.......】 龍威：【嘩﹗駛唔駛咁刻薄呀﹗】 秋生起身拉起布幕：【你地睇﹗成街人都係咁啦﹗等野做，你唔做，大把人做.....】 秋生：【我只請兩個，你地三個人自己搞掂佢﹗】 龍威三人組，走到一邊商議。不久，龍威走到秋生面前：【一口價，兩份人工，三個人.......】 秋生：【殺你﹗即時開工， 喂你掃地，你呀抹晒尐窗，續格抹，仲有你呀，去洗廁所.....】 龍威三人組：【好﹗我忍你.......】 * * * * * * * * * * * * 電話響起，秋生：【喂﹗包李事務所.......哦﹗好既﹗好既﹗多謝晒喎﹗】 秋生：【喂﹗龍威準備沖茶，有客到......】 達明：【唔知咩料呢﹖】 燦琛：【咁耐都唔多見有客上門，今天來既似乎係VIP喎......】 龍威：【講咁多做乜，做野啦，快去、快去......】 在辦公室裡，龍威三人組和事務所老板秋生的對面坐著一位穿白西裝的中年人，其身後還有一大班跟班， 和一位貌似社團人仕的人站在其後。 站著的男子：【這個係我波士給你地既首期，你地既工作就係24小時保護相中人安全。】 事務所老板秋生：【無問題，無問題﹗一切包係我身上。】 白色西裝的中年漢：【一切就靠你地。龍五，我地走﹗】 龍威心想：【龍五，唔係賭神果位呀﹗】 白西裝佬走後，龍威：【嘩﹗成班人，一睇就知有背景架啦﹗】 達明：【你又知，唔比係保鏢架咩﹗】 龍威：【你睇?佢後面跟班，個個殺手咁款，帶晒黑超，成日伸隻手係件西裝入面。】 這時，秋生叫著：【喂﹗你地幾個入黎，做野啦﹗還掛住傾﹗】 龍威：【黎緊﹗幫緊你﹗幫緊你﹗】 房來，秋生：【好啦﹗今次單野都幾惡搞既，而家好彩有你地三隻野，再加埋我個女，搵多一、兩個人就OK啦﹗】 龍威：【你個女﹖】 燦琛望著老板背後的一個相架，相內是老板和一位女孩子的合照。 燦琛：【唔通係幅相入面果個。】 秋生：【你作死，果個係我老婆﹗】跟著拉開櫃桶，取了一幅相出來：【拿﹗今天我個女由外國返黎，你地去接佢啦，跟住送嘛佢返屋企。】 龍威望著相：【嘩﹗咁豬扒架﹗】 秋生：【呵﹗呵﹗咁咪幾好。唔會有人打佢主意嘛﹗起碼你地幾件蛋散都睇到反晒胃，就知道你地去接佢就可以令到我放心﹗】 龍威：【駛唔駛三個人去呀﹖一個咪得囉﹗】這時候，達明和燦琛一齊向後退了一步。 秋生：【咁，你既然睇得咁高清，就由你去接啦﹗順道買埋菜，等我返來煮番兩手，啦﹗門匙。】 機場大堂，龍威正木立的等著。這時候，有一少女走過(小儀飾)，龍威看看手中相和這少女的樣子一如倒模一樣， 就拿著接機牌：【金小姐，金小姐，我係代你鈀鈀來接你機架﹗】 小儀：【哦﹗你係我爸爸派來既﹖】 龍威：【係呀﹗我有你張相為証架﹗】 小儀望一望相片，卻顯得疑惑：【你好似認錯左人喎﹗】 龍威：【點會呢﹗你同相中人一模一樣，十足十豬扒包，點會認錯架﹗】 小儀生氣：【你講乜野﹗乜豬扒包﹗】 龍威：【Sorry﹗講錯野，應該係漢堡包至岩﹗】 小儀有氣的用腳踏了龍威一下，跟著掉頭走。 【嘩﹗金小姐駛唔駛咁呀﹗我都係打份工姐﹗】龍威一路跛著走，一路說，金小姐卻頭也不回的一路走。 大堂出口，這時候有兩個人出來(農夫)：【金小姐，對唔住，我地黎遲左。】 小儀：【你地同我打發果個人走，佢白撞架﹗】 農夫C君：【喂﹗乜料呀﹗走黎搞住我地大小姐﹗】 龍威：【乜大小姐呀﹗我係來接佢既﹗佢老豆叫我來既﹗】 農夫陸永：【你都傻既﹗大小姐既老豆都唔係度，你直情白撞啦﹗切佢﹗】 (黃飛鴻音樂響起.........) 這時一手輕拍龍威肩膀，龍威：【唔好搞住，等我教訓下佢地先......】龍威回頭看看是誰，映入龍威眼簾的是一位妙齡少女(鍾嘉欣)。 嘉欣：【你係唔係我爸爸叫黎接我既龍咁威先生﹖】 龍威：【小姐，你有冇認錯人呀﹗我接咁佢喎.....】 嘉欣：【你手中幅張果個係我黎；你先好似接錯左人喎......】 龍威：【下，你係相中人，差好多喎，成個港姐咁，點會係相中人﹖】 嘉欣甜笑笑：【幅相係我去外國前影既，都有一段日子啦，唔同好正常呀。】 龍威：【下﹗你去左韓國咋。】 嘉欣扮怒：【女大十八變，你無聽過咩﹗】 龍威：【有、有，咁我地走啦....】 農夫：【喂﹗你就咁走，點先﹖】 龍威：【你有你地走，我有我地走，唔好一齊走，各自搵食啦﹗】 農夫：【好，識英雄重英雄，後會有期﹗】 龍威：【大家咁話，最好無了期，你做你，我睡你。】 農夫：【﹖】 龍威：【請呀﹗】便與嘉欣乘的士回家。